العناية بالقطط

علاج الاسهال عند القطط

-الكثير ينزعج عندما تصاب قطه بالاسهال لكن مفيش داع للانزعاج طالماً القط لا يزال نشيط و حالته الصحية جيدة و يمكن احياناً علاج الاسهال بدون الذهاب الي طبيب بوسطة تغيير في نوعية الطعام او استخدام بعض الادوية البسيطة و لكن ان استمر احال كتيير بينصح بالذهاب للطبيب خاصة ان صاحب ده خسارة في الوزن و قيء و استمرار الاسهال يؤدي الي الجفاف و يمكن ان يكون ده سببه طفيليات او بكتريا .

طيب نعمل ايه عشان نعالج الاسهال؟

1)التغيير في النظام الغذائي:

العديد من القطط تقضل الاغذيه المعلبة او الالبان زي الجبنة و الزبادي و اللبن لكن ممكن تكون الاغذية سبب الاسهال عشان كده لو كانت قطتك بتاكل زي المأكولات دي يبقي لازم انك توقفيها فوراً و استبدالها بشربة الخضار و الاغذية اللي بتحتوي علي الارز في مكونتها زي السيريلاك , الدراي فوود لكن من مصدر موثوق و يكون علامة تجارية ده في حالة الدراي فوودو .

2) الماء:

يجب تقديم المياه بصورة دورية للقطه لأنها بتكون معرضه للجفاف بسبب الاسهال .

3) المكملات الغذائية الطبيعية:

و دي نلاقيها في الصيدليات بتبقي أما كبسولات او بودر و يفضل المكملات الغذائية اللي بتحتوي علي القمح او الفاوانيا"عود الريح" و دي مفيدة جداً في حالة الجفاف و كمان بتقتل المكروبات و الطفيليات او المنتتجات اللي بتحتوي علي "المر" و دي موجوده بكثرة في الصيدليات .

4) الرعاية البيطرية:

هنلجأ برده لأدوية و محاليل معالج الجفاف زي

Smecta

و هو لعلاج حالات الاسهال و الجفاف المذمن

بتفضى نصف الكيس فى 1 و نصف سم ماء و ندوبه كويس هو نجيب سرنجه و طبعا من الابرة و طبعا بتحطى الواء فيه و نحط السرنجه فى جنب فم القطه براحه ،وانت مسكه القطه كويس و تتأكدى أنها بلعت الدواء هتخد نصف الكيس الصبح و النصف التانى بالليل.

Antinal

ده شراب الانتينال

الجرعه

واحد و نص سم كل كل 8 ساعات (فى حالة الاسهال الشديد ) اول 36 ساعه و بعد كده كل 12
ساعه لمده 48 ساعه و إذا الاسهال وقف اسمتر عليه يوم

"محلول الجفاف "

غنى بالمعادن مهم جدا علشان القطه مش يجى لها جفاف خصوصا ًلو بترضع

الجرعة

ندوب كيس فى كوب مايه 200 ملى يعنى نفس حجم ازازة الببسى الصغيره و تسيقها منه كل شويه يعنى واحد ملى السرنحه و كل ربع ساعة او نصف حسب تقبل القط ادى لها 2سم

posted under | 25 Comments

قطتي تتبول في كل مكان ما العمل...؟

-كتير جداً تحصل لنا مشكلة مع القطط و اكتر مشكلة بتقبلنا هي تبول القطط في اماكن غير مخصصه ليها و عشان نعرف حل المشكلة دي لازم نعرف ايه سبب المشكلة و الاسباب متعددة زي مثلاً ان القطه تكون نسيت مكان اللي بتعمل فيه الحمام و ده بيحصل احياناً و في الموضوع ده هنعرف مشاكل بتؤدي الي ان القطه بتتبول في كل مكان و هنحل المشاكل دي في عدة نقط .

-القطه مش سعيده:

ده بيحصل احياناً لما القطه بيجلها اكتئاب و علامة دهان القطه تدور علي مكان بعيد عن البشر و تختفي فيه مدد طويل و من علامات ده كمان انها تبطل تلعب زي الاول او انها تفقد شهيهتها عن الاكل و تبتدي تخسر في الوزن, و ممكن يكون كمان يتساقط شعرها بسبب ده ,زينا كده بالظبط يعني لما نحس بالاكتئاب تصيبنا الملل و الشعور بالقذرة و فقدان الشهيه نفس القصه برده بيحصل عند القطط و كل ده بيؤدي انها تكون غير مرتبه و بيؤدي انها تعمل حمام في كل مكان و بيكون ده هو عبارة عن صرخة من القط لطلب المساعدة.

* طب هما بيعملو كده ليه؟

بأختصار لان الحيوانات غير الانسان الانسان يقدر يطلب المساعدة و يدور علي الحلول و يحل مشكلته بنفسه او بمساعدة الاخرين لكن الحيوانات تعتمد كلياً علي الانسان المربي ليها و هي ما بتقدرش تتكلم طبعأً فيكون الحل انها تدور علي مشكلة تحطها قدامك عشان تخد بالك من اللي هيا فيه زي الكلاب لما تكون غير سعيدة و غير مستقرةتبتدي تعض المفروشات و الكنب كل حيوان أليف و طريقته في الصراخ.

*طب ازاي اخلي قطتي سعيدة؟

1) مياه نظيفة و اكل صحي :

الشيء الاهم عشان نخرج من المشكلة دي بعيد عن الادوية هو اننا نغير من منظومة الغذاء اللي بنعملها مع القطه و ننوعها يعني لو هيا بتاكل دراي فوود بأستمرار نغير زي مثلأً نتجه للكبد بالخضار او البيض "صفار البيض" او لحمة بالخضار نحاول نعمل دراي فوود منزلي افضل من شراء الدراي فوود التجاري اللي غالباً بيكون مليء بالمشاكل الصحية لو بقلها كتيير مبتكلش سمك نجيب لها تونة و نبعد عن السلمون بأنواعه بس من كترش من اكل السمك لأنه ليه مشاكل علي شعر القطط و كل يوم نغسل الطباق اللي بتاكل فيها القطط و و نغير الميه بأستمرار و الاهم هو نظافة امكان الاكل كمان و هيكون مفيد جداً عمل شربة خضار

2) التمارين الرياضة و التحفيز الذهني:

القطط هي جوود هانتير و لو فقدت طبيعتها دي مع مرور الوقت ممكن تموت في وقت اقصر من عمرها الافتراضي و غير المشاكل اللي بتحصل لها قبل ده .. عشان كده يجب ابقاء القطط في حالة ذهنية عالية معظم الوقت و كل ما يتاح وقت للعب مع القطه أستغله و غير في طريقة الالعاب دي و كمان عمل العاب ليها زي مثلاً علية اللبن بدل ما نرميها ننضفها و نحطها قدمها هيا هتتعامل معها و هتبتدي تلعب بطريقتها و كمان نعمل حلقة و نربطها بخيط او حبل و نربطها في مكان بحيث انها تكون متعلقه و سيب القطه و هي هتتعامل برده معاها و عندكم برده الفار اللعبه ممكن نجيبه و نربطه بخيط طويل و نبتدي نلعب مع القطة.

3)عمل منطقة مخصصة للقطه :

لو عندكم زحمة في المكان او بيجلكم زوار كتيير او عندكم حيوانات تانية مع القطة في كل الاحوال لازم تعمل للقطه مكان مخصص ليها تشعر فيه بالامان و الراحه و تنام فيها و يجب انها تكون في مكان ميكونش في حركه كتير و يفضل يكون كمان مظلم و نعمل فيها مكان لنزم القطه بتاعتنا.

4)التعرض للهواء و الشمس:

الهوا و الشمس له مفعول السحر في حالات اكتئاب و التعاسه عند القطط كمان و مفيد جداً عشان كده انصح ان القطه تتعرض للشمس خلال اليوم اكتر من مره ممكن نحط في البلكونه مثلأً لعبه للقطه عشان نجذبها باستمرار للمكان اللي فيه شمس غير ان اشمس بتحميها من البراغيث وبتساعد في اطالة شعرها.

5)نظافة و تغير حوض الرمله الخاص بها:

و الافضل من الرمال كمان اننا نستغني عنها و نبدلها بكسر الرخام او الزلط و نحطهم في وعاء مصفه كبير و تحت الوعاء ده نحط وعاء اخر مصفاة لكن تكون المصفه علي شكل قاعدة من الاسفل و نحط الوعائين علي البلاعه في الحمام و ندربها عليها و هي هتتعامل و بكده لما تتبول القطه هتنزل في البلاعه و لو تغوطت نشيل الغائط بكيس بلستيكي او جروف .

6) عوزة تتجوز :

و دي هتكون حل برده للمشكله دي بأننا نشوف لها قط عشان تتجوزه.

أرجو اني اكون افدتكم

م/محمد عبد العزيز

posted under | 49 Comments